Affiliate Marketing in Hindi | Affiliate Marketing क्या है और कैसे करते है?

Published by Avenir Education on

Affiliate Marketing in Hindi

Jaise ki humne apne pichle articles me samjha tha Digital Marketing in hindi aur SEO in hindi, aise hi aaj hum samjhenge Affiliate Marketing in hindi, affiliate marketing kya hai aur isse kaise aap ghar baithe online paise kama sakte hai.

Is post me hum ye sabhi topics cover karenge:

  • Affiliate Marketing kya hota hai?
  • Affiliate Marketing kaise karte hai?
  • Affiliate Marketing me use hone wali terms
  • Affiliate Marketing se related FAQs

To chaliye in sabhi topics ko detail me padhte hai:

Affiliate Marketing kya hota hai?

Affiliate Marketing in Hindi

Affiliate Marketing, digital marketing ka hi ek part hai jisme 2 type ke users hote hai, advertiser aur affiliate.

Advertiser wo hota hai jo apne products ya services sell karna chahta hai aur affiliate wo hota hai jo apne digital marketing ke skills use karke advertiser ka product ya services promote karta hai aur har product/service ke sell hone par, advertiser affiliate ko commission deta hai.

Chaliye isko ek example ke saath aur detail me samajhte hai. Jaise ki aapko pta hai ki Amazon ek bhut bada online store hai jaha har roj laakho products bikte hai. Aisa isiliye hai kyuki Amazon ne apna ek affiliate program banaya hai jisko join karke koi bhi aadmi unke products ko sell karta hai aur uske badle amazon us aadmi ko commission deta hai.

To yaha Amazon ek advertiser hai aur agar aap Amazon ke products promote karte hai to aap affiliate hai.

Amazon ka affiliate banne ke liye yaha click kare.

Amazon Affiliate Program

Affiliate Marketing kaise karte hai?

Ye samajhne ke baad ki affiliate marketing kya hota hai, ab hum ye samajhenge ki affiliate marketing kaise karte hai.

Affiliate marketing karne ke liye ye sabhi steps follow kiye jaate hai:

  1. Apna niche (topic) chune
  2. Website create kare
  3. Website par content likhe
  4. SEO kare

Agar aap in sabhi steps k ache se follow karte hai to aap har mahine ₹50,000 – ₹1 lakh+ bhi kama sakte hai. To chaliye in sabhi 4 important points ko step-by-step samajhte hai:

1. Apna niche (Topic) chune

Niche ka matlab hota hai koi bhi ek aisa chhota topic jiske baare me aap kaafi kuch jaante hai aur usse related articles aap likh sakte hai. Jitna chhota niche (topic) aap choose karte hai, utni hi jaldi aapki website par visitors aane start ho jayenge.

Example: Agar aapka interest food me hai, to aap kitchen related products apne website visitors ko promote kar sakte hai ya fir agar aapka interest sports me hai, to aap sports related products apne website visitors ko promote kar sakte hai.

Bas dhyan isi baat ka rakhna hai ke apni website ke liye jyada bada topic choose na kare, kyuki usme utni hi jyada mehnat aur patience aapko karni hogi.

2. Website create kare

Jab aap apna niche choose karle, to iske baad aapko ek wordpress website banani hogi, jisko banana bhut hi aasan hai. Simple WordPress website aap kewal 1-2 ghanto me bana sakte hai aur iske liye aapko koi coding ki bhi knowledge nahi chahiye.

Website banane ke bhut saare tutorials aap hindi me YouTube par dekh sakte hai ya fir aap 1 hafte ka website designing online course bhi kar sakte hai, jiske baad aap jaisi chahe waisi website bana sakte hai.

Check –> Website Designing Course in 7 Days

3. Website par content likhe

Website create karne ke baad aapko apne select kiye hue niche me articles likhna start karna hai. Aur in articles ke andar aapko products promote karne hai jo aap sell karna chahte hai. Kisi bhi product ko promote karne ke liye aapko apne affiliate program se ek affiliate link milta hai jo aapko apne article me daalna hai.

Us link par click karne ke baad, wo user advertiser ki website par jayega aur waha koi bhi product wo khareede to uske badle aapko commission milega.

Aur agar aapko samajhna hai ke aap ache articles kaise likhe jisse jyada se jyada log advertiser ki website par jaaye, jisse aapko jyada se jyada commission mile to aapko content writing aani chahiye.

Check –> Content Writing Course

4. SEO kare

Affiliate program join karna, website create karna aur us par content likhna to sab sahi hai, magar aap apni website se affiliate marketing ke jariye tabhi jyada se jyada paise kama sakte hai, jab jyada se jyada log aapki website par ayenge.

Kyuki jitne jyada log aapki website par ayenge, utne hi jyada aap paise kamayenge. Aur jyada se jyada log aapki website par aaye uske liye aapko apni website ko optimize karna hoga, taaki aapki website Google ki top positions par rank kare aur jyada se jyada organic ya free traffic aapki website par aaye.

SEO in Hindi ko poora samajhne ke liye hamare ye detailed article check kare:

SEO in Hindi
SEO Course

Affiliate Marketing se related terms:

1.) Affiliate Network: Ye wo website hoti hai jha par bhut saare affiliate programs list hote hai jaise ki CJ

2.) Affiliate Program: ye wo program hota hai jise aap join karke us company ke products/services promote kar sakte hai aur har sale ya lead par aapko commission milta hai, jaise ki Amazon Affiliate Program

3.) Merchant/Advertiser: Wo company jo apne products/services commissions ke badle affiliates se promote karwata hai use hum merchant/advertiser kehte hai jaise ki Amazon

4.) Affiliate: Agar aap kisi dusri company ke products/services promote karte hai aur aur har ek sale ya lead ke badle commission kamate hai to aap affiliate hai.

5.) Affiliate ID: Jab bhi affiliate kisi affiliate program ko join karta hai to use ek affiliate ID milti hai taaki affiliate program run karne wali company ye track kar sake ki konsa product konse affiliate ke link se sell hua hai.

6.) Affiliate Link: Jab aap kisi bhi website visitor ko apni website se advertiser ki website par send karte ho to usme use hone wale link ko hi affiliate link bolte hai.

7.) Commission: Koi bhi advertiser apne affiliates ko kisi bhi product ke sell hone ke baad uska kuch percent amount deta hai jise commission kehte hai. Jaise ki Amazon 4-12% commission share karta hai.

8.) Payment Threshold: Advertisers apne affiliates ko kuch minimum amount of money kamane ke baad hi payment dete hai. Us amount ko payment threshold kehte hai. Jaise Amazon aapko tabhi payment dega jab aap kum se kum ₹1,000 commission kama lenge.

Affiliate Marketing Frequently Asked Questions (FAQs)

Kya koi affiliate marketing ka aisa course hai jisse complete affiliate marketing samjhi ja sake?

Agar aap affiliate marketing poori tarah se samjhna chahte hai taaki aap jyada se jyada paise kama sake, to best option hamesha affiliate marketing ka course karna hi hoga. Aap hamare institute Avenir Education se classroom ya online affiliate marketing course kar sakte hai.

Check –> Affiliate Marketing Course

Affiliate Marketing se kitne paise kamaye ja sakte hai?

Affiliate marketing se aap utne hi jyada paise kama sakte hai jitne jyada visitors aapki website par aa rhe hai. Agar aap lagataar apni website par 4-6 mahine (2 hours daily) kaam karte hai to aap ₹25,000 – ₹50,000+ kama sakte hai. Kai expert digital marketers jo kai saalo se apni website par lagataar articles likh rhe hai, wo har mahine ₹1,00,000 se bhi jyada kama rhe hai.

Meri English itni achi nahi hai, kya main bhi affiliate marketing kar sakta hu?

Agar aapki English itni achi nahi hai, to bhi aap affiliate marketing kar sakte hai aur bhut saare paise ghar baithe kama sakte hai. Kyuki affiliate marketing ek skill hai jo koi bhi seekh sakta hai, naake koi language.

Conclusion

Main aasha karta hu ki ye article padhne ke baad aapke affiliate marketing ke kaafi saare doubts clear ho gye honge. Aur ab aapko yeh bhi samajh aa gya hoga ki affiliate marketing in hindi kya hai aur affiliate marketing kaise karte hai.

Agar aapko affiliate marketing in hindi ya digital marketing se related kuch bhi puchna hai to niche comment jaroor kare aur agar aapko hamare courses se related jaankari chahiye to aap hume call kare +91 8130-867-456 par.

Top Affiliate Marketers Secrets Revealed
Do you know that affiliate marketers in India are earning Rs 5 Lakh+ every month using Digital Marketing?! Subscribe to get instant access to all the secrets now!!


0 Comments

Leave a Reply

Your email address will not be published. Required fields are marked *

Call Now Button
1
Hello
Welcome to Avenir Education
How can we help you?
Powered by
Take a FREE Demo Class

Get 1-on-1 interaction with our expert trainer to learn more about Digital Marketing

Don`t copy text!