What is Content Writing in Hindi

Published by Avenir Education on

What is Content Writing in Hindi

Aaj is post me aap sikhenge “What is Content Writing in Hindi” aur kaise aap content writing se ghar baithe paise kama sakte hain.

Website banana ab zyada mushkil ka kaam nahin rah gaya hai. Haan yeh sach hai ki abhi bhi aapko formal training ki zaroorat rahegi magar ab website designing sirf IT background waale logon ke liye seemit nahin raha.

Kaii aise platforms hain jo bina kisi coding ke bhi ek poori tarah functional website banane ka zariya dete hain. Lekin sochiye, website banane ka procedure toh samajh lenge, lekin website par daalenge kya?

Website ek aisi copy ki tarah hai jo tab tak adhuri rahegi jab tak usme content na daala jaaye. Pahle samajh lete hain ki content se hamara kya matlab hai.

Content asaan shabdon mein kahlata hai information. Jo bhi information aap apni website par daalte hain, jisse padne waale ko, yaane ki website visitor ko fayda ho, usse kahte hain content.

Aur iss content ko likhne ki kala ko kahte hain CONTENT WRITING!

Doston, yeh blog jo aap pad rahe hain, yeh bhi content writing ka hissa hai, jisse kahte hain blog writing! Content kaii tarah ka hota hai lekin usko likhne ka, present karne ka tareeka jab tak sahi na ho, tab tak content kitna bhi acha kyun na ho, kisi kaam ka nahin rah jaata.

Aaiye content writing aur uski importance ko thoda detail mein samajhte hain:-

CONTENT ZAROORI KYUN HAI

Har website kisi ek cheez par nirdharit hoti hai jaise ki sports, movies, books, medical, etc. yeh kaha ja sakta hai ki har woh insaan jo apna talent ya apna business digital marketing ke dwara logon tak pahunchana chahta hai, woh ek website se shurwat kar sakta hai.

Maan lijiye ki aapko carpets bechne ka kaam shuru karna hai, lekin aisa nahin hoga ki aap pahle vyakti honge jo yeh kaam kar rahe honge haina?! Market mein shops bhi bahut hongi aur internet par bhi kaii carpet sellers aapse pahle maujood honge, yaane ki competition.

Ab aap apna business online leke ja rahe hain aur digital marketing ke zariye chahte hain ki logon tak aapka samaan pahunch sake. Ab samajhte hain ki kaise content writing hamare kaam aata hai:-

Sabse pahla kadam hoga aapke carpets ka ek catalogue banana kyunki visitors ko yeh jaanna zaroori hoga ki aapke paas kya kya variety hai.

Doosra har item ke baare mein poori detail hona zaroori hoga kyunki koi bhi customer bina poori jaankari liye order place nahin karega

Agar aap inme se koi bhi cheez miss karte hain toh aapki sales par bahut bada impact pad sakta hai kyunki customer aapke aur aapki items ke baare mein poori jaankari nahin le pa raha hai

Aur yaad rakhiye, website visitor besabar hota hai, jiska matlab, agar usse uski chaahi jaankari sahi jagah, asaani se aur jaldi nahin milegi toh who aapka web page band karke aage bad jaayega

Inn sab cheezon ka dhyan rakhte hue aur saath hi mein competitors ne kaise apna content daala hai, hum apni website ka content likhna shuru karte hain!

Lekin inn sab cheezon se pahle, sabse zyada zaroori pahlu content writing ka hai – Google

Jab aap ek naya online business shuru karte hain toh aapko koi nahin jaanta. Ek customer jo maaniye online carpets dekh raha hai who sabse pahle Google par search keyword daalega jaise ki ‘silk carpets india online’

Ab Google usko results show karega jo ki Google ke algorithm ke hisaab se user ke liye sabse relevant honge.

Lekin Google kaise decide karta hai ki kaunsi website relevant hogi? Google aapki website ko jaanchta hai, uss paar daale CONTENT ko padta hai aur yeh jaane ki koshish karta hai ki aapki website kis cheez par bani hai.

Aur agar aapka content relevant lagta hai, original lagta hai, tabhi usse user ke saamne laata hai.

Zara sochiye ki aap agar apna content daalne mein aalas dikhayenge ya kisi aur website se copy karke daalenge, toh Google aapki website ko kabi apne first page par nahin laayega.

ON PAGE SEO jo ki ek important factor hai aapki website ki Google ranking ke liye, woh content writing ka ek aham hissa hai.

Aaiye jaante hain ki content writing kis-kis tarah ki hoti hai.

TYPES OF CONTENT WRITING

What is Content Writing in Hindi

CONTENT WRITING FOR WEBSITE

Jaisa ki humne abhi tak samjha ki website par daale jaane waali information bahut important hoti hai, isliye website ka basic content daalna seekhna bahut zaroori ho jaata hai.

Website kis topic par banayi ja rahi hai, content uss par nirbhar karta hai. Humein apni target audience ki jagah par khud ko rakh kar sochna hota hai ki user ki hamari website se kya umeed hogi.

Kaunsa content pahla dikhna chahiye, kaunsa content inter-linked hona chahiye, yeh sab website ya on-page SEO ki content writing mein sikhaya jaata hai

REVIEW WRITING

Agar aap ek review website bana rahe hain toh yeh zaroori hoga ki aapka daala har review genuine ho aur aapki target audience ke har question ko answer karta ho.

Review writing ek bahut bada zariya hai web influencer banne ka. Agar log apne rai aapke diye review par banate hain, toh companies aapko apna product review karane ke liye invite bhi kar sakti hain.

Related: Content Writing se Ghar baithe kamaye paise

BLOG WRITING

Blog ka matlab hai ek aisa article jo aap apni target audience ke saath share karna chahte hain taaki zyada se zyada logon tak aapki baat pahunch sake, log aapke baare mein jaan sake aur aapki website par visitors bad sakein.

Kaii websites sirf blog writers ke liye bhi hain jahan writers apne mann se jiss bhi topic ke baare mein likhna chahte hain, who likh sakte hain. Blog writing se paisa bhi kamaya ja raha hai, bas aapko likhne ki kala aur topic choose karne ki samajh honi chahiye.

SOCIAL POST WRITING

Apne follwers ya target audience ke saamne jeevit rahne ko digital marketing ki duniya mein kahte hain user engagement. Agar aap koi naya update, koi story share nahin kar rahe toh dhyan rahe aapka competitor raaton raat aapse aage nikal sakta hai.

Social media platforms jaise Facebook, Instagram, Twitter, LinkedIn, Pinterest, YouTube par active rahne se hi aap aage jaa paayenge. Lekin rozana kya likhe, kaise likhen?

Isliye hum aapko sikhate hain social media post writing jiske zariye aap apne followers ke saath jude rah sakte hain aur naye followers bhi la sakte hain.

Aur aise kaii prakar hain content writing ke jaise ki creative writing, script writing, etc. jo aap seekh sakte hain.

Bhuliyega nahin, content writing aapka sabse pahla aur sabse ahem kadam hota hai digital marketing ki duniya mein safalta paane ke liye.

AVENIR EDUCATION ke content writing course mein aap apni mann chaaha content type choose karke, seekh sakte hain ki kaise content likhne se aap paisa kama sakta hain, apni website se bhi aur freelance content writer banke bhi.

People Also Like:

How to Learn Content Writing


0 Comments

Leave a Reply

Your email address will not be published. Required fields are marked *

Call Now Button
1
Hello
Welcome to Avenir Education
How can we help you?
Powered by
Take a FREE Demo Class

Get 1-on-1 interaction with our expert trainer to learn more about Digital Marketing

Don`t copy text!