SEO in Hindi | SEO क्या होता है? | SEO कैसे करे?

Published by Avenir Education on

SEO in Hindi

Namaskar dosto, jaise ki maine aapko apne last article me samjhaya tha Digital Marketing in Hindi. To aise hi aaj main aapko samjhaunga What is SEO in Hindi? SEO kya hota hai? SEO kaise kare? On Page SEO in Hindi aur Off Page SEO in Hindi.

Aur ye article pura padhne ke baad aapke SEO se sambhandit sabhi doubts clear ho jayenge. To sabse pehle ye jaante hai ki SEO ka meaning kya hota hai?

SEO Meaning in Hindi

SEO ka meaning jaanne se pehle hum ye jaanle ke SEO ki full form kya hoti hai?

SEO ki full form h “Search Engine Optimization“, aur SEO ka meaning hota hai wo sabhi techniques jiske jariye hum apni website ya fir apne blog ko optimize karte h taaki hamari website un sabhi keywords par search engine me rank kare, jispe hum chahte hai. Search engine jaise ki Google, Yahoo, Bing, MSN, YouTube, etc.

Aasan shabdo me kahe to SEO kisi bhi website ki ranking badhane ke liye kiya jaata hai taaki jyada se jyada log us website par aaye.

Agar aap chahte hai ki aapki website par users google pe search karke aaye to aapko apni website ka SEO karna padega.

Related:
Website banana sikhe sirf 7 din me
SEO Course in Delhi

SEO Kya hota hai? SEO क्या होता है?

SEO ka meaning samajhne ke baad, chaliye ab detail me jaante hai ke SEO kya hota hai?
Main aapko ek example btata hu jiske madhyam se aapko bilkul clear ho jayega ki SEO kya hota hai?

Maan li jiye aapko woodland shoes khareedne hai aur aapne Google pe likha “Buy Woodland Shoes”

Jab bhi aap kuch bhi Google par search karte hai to use Digital Marketing me bolte hai “Keyword”.
To yha “Buy Woodland Shoes” ek keyword h jisko log Google par search karte h, aur bhut saari e-commerce websites chahengi ki log “Woodland Shoes” unki website par jaakar khareede.

To agar website owner chahta hai ke jab log Google par “Buy Woodland Shoes” search kare aur wo sabhi log uski website par aaye, to unhe apni website ka SEO karna hoga “Buy Woodland Shoes” keyword par.

Yaane ki unhe apni website ko is tarah optimize karna hoga ki jab log Google par “Buy Woodland Shoes” search kare to unki website Google ke pehle page par aur top position par dikhayi de.

To chaliye dekhte hai konsi website Google par rank kar rhi h jab hum hum “Buy Woodland Shoes” search karte hai:

SEO kya hota hai?

To jaisa ke aap dekh sakte hai, “Buy Woodland Shoes” Google par search karne ke baad jo websites top positions par rank kar rhi hai wo hai

  • Woodlandworldwide.com
  • Myntra.com
  • Amazon.in
  • Flipkart.com

Aisa isiliye hai kyuki ye sabhi websites “Buy Woodland Shoes” keyword par optimized hai aur Google jaanta hai ke jab bhi ye search query aayegi to ye sabhi websites best results dikhata hai.

Aur aisa isiliye hai kyuki jab bhi Google websites ko ranking deta hai to wo 200 se bhi jyada factors dekhta hai, ke aisi kon-2 si websites hai jo sabse jyada factors follow kar rhi hai.
Inme se kuch important factors hote hai website ka content, website speed, keywords, aur backlinks.

SEO kaise kare? SEO कैसे करे?

Ye samajhne ke baad ke SEO kya hota hai, ab main aapko ye samjaunga ke SEO kaise kare?

Kisi bhi website ka SEO karne ke liye, hume 3 main steps karne hote hai:

  1. Keyword Research
  2. On Page SEO
  3. OFF Page SEO

1. Keyword Research in Hindi

Keyword Research ka matlab hota hai, wo sabhi keywords ko dhundna jispe aap apni website par content daalna chahte hai aur Google par rank hona chahte hai. Jaise ki upar humne example me samjha ki Amazon, Myntra aur Flipkart chahti hai ke jab log “Buy Woodland Shoes” likhe to log unki website par aaye, yaani ke in sabhi websites ne yeh keyword apni website ke liye select kiya hai.

Keyword Research bhi 3 steps me kiya jaata hai

  1. Keywords ko dhundna
  2. Keywords ka monthly searches jaanna
  3. Keywords ka competition jaanna

Pehle step me aapne apni website ka jo bhi niche(topic) select kiya hai, us niche ke andar aise keywords jaanne hote hai jo log Google par search karte hai. Ye sabhi keywords nikaalne ke liye aap Keyword.io website ka use kar sakte hain aur aapko apne niche me hazaro keywords mil jayenge. Jaise ki niche di gyi image me aap dekh sakte hai.

SEO in Hindi

Dusre step me hume ye jaanna hota hai, ke, jo keywords humne select kiye hai unhe kitne log search karte hai. Yeh step bhut hi jaroori hai kyuki us keyword par website optimize karne ka koi faayda nahi jise sirf 10-20 log hi ek mahine me search karte hai.

Keywords ke monthly searches dekhne ke liye aap Keywords Everywhere Chrome Extension use kar sakte hai. Isko apne chrome me install karne ke baad aap ye jaan sakte h ki kisi bhi keyword ko kitne log ek mahine me search karte hai. Jaise ki aap upar example me dekh sakte hai ki “buy Woodland Shoes” keyword ko har mahine 480 users Google par search karte hai.

Teesre step me hum ye dekhte hai ke kisi bhi keyword par rank karna kitna aasaan hai aur kitna mushkil.
Kisi bhi keyword ka competition score ya fir difficulty level dekhne ke liye aap 2 websites ka use kar sakte hai.

  1. KWFinder.com
  2. KeywordRevealer.com

2. On Page SEO in Hindi

Keyword Research khatam hone ke baad aap wo sabhi keywords mil jayenge jis par aap apni website Google par rank karna chahte hai. Uske baad agla step hota hai “On Page SEO”.

On Page SEO ke antargat wo sabhi factors poore karne hote hai, jiski madad se Google samajh jaata hai ki aap kis keyword par apna post/page rank karna chahte hai.

On Page SEO ke factors:

  1. Main keyword post ke title me hona chahiye.
  2. Post/Page ka permalink(URL) chhota hona chahiye aur usme sirf main keyword hi hona chahiye.
  3. Main keyword post ke 1st aur last paragraph me hona chahiye.
  4. Post ke andar images ya videos honi chahiye.
  5. Keyword ki density kum se kum 0.5% honi chahiye.
  6. Post me headings honi chahiye.
  7. Aur sabse jaroori, post me likha hua content original aur detail me likha hona chahiye, aur jitna lamba content hoga, wo utne hi jyada keywords par rank karega.

Jab ye factors follow ho jaate hai to Google samajh jaata hai ki aapko kis keyword par ranking chahiye, aur aapka post aapke select kiye gaye main keyword par Google me rank hona shuru ho jaata hai, kyuki humne apna post us keyword par optimize kiya hai, aur isi ko kehte hai “Search engine Optimization”.

Off Page SEO in Hindi

Jab hum apne website par posts aur pages ka On Page SEO karte hai to hamari website low competition keywords par rank karna shuru ho jaati hai.

Saral shabdo me baat kare to, wo sabhi keywords jinka competition level ya fir keyword difficulty kum hai, hum un keywords ko sirf On Page SEO karke hi Google ke 1st Page par rank kar sakte hai. Magar wo keywords, jinka difficulty level ya competition level jyada hai to hume “Off Page SEO” karna padta hai.

Off Page SEO ka matlab hai apni websites ke “backlinks” banana. Backlinks ka matlab hai jab bhi hamari website ka link kisi dusri website me aata hai to hamari website ko backlink mil jaata hai.

Chaliye ise aur bhi saral shabdo me samajhte hai, jaise elections me jeetne ke liye kisi bhi neta ko logo ki votes chahiye hoti hai, aise hi Google ke 1st page par  rank karne ke liye hume backlinks chahiye hote hai.

Ab aap soch rahe honge ki “Backlinks kaise banaye?” Backlinks banane ke bhut si techniques hoti hai jaise ki

  • Article Submission
  • Directory Submission
  • Business Listing
  • Image Submission
  • Video Submission
  • Document/PDF/PPT Submission
  • Social Bookmarking etc.

Maan lijiye aapne apni website ka ek Facebook Page banaya aur waha apni website ko share kar diya to wo Social Bookmarking wala backlink maana jayega.

Jitne jyada backlinks hum apni websites ke banayenge, utni hi jaldi aur jyada keywords par hamari website rank karegi.

Agar aapko Advanced SEO Course karna hai jisse ki aap SEO Executive ban sakte hai to hamare course ki jaankari yaha se le —> SEO Course

Conclusion

Main umeed karta hu ki ye article padhne ke baad aapke kaafi doubts clear ho gaye honge aur ab aapko samajh aane laga hoga ki SEO kya hota hai aur SEO kaise kare.

Aapko SEO se sambhandhit aur koi bhi jaankari leni hai ya koi bhi sawaal puchna chahte hai to niche jaroor comment kare. Aur agar aapko hamara article pasand aaya to ise apne doston ke saath jaroor share kare.

Wanna Learn More About Digital Marketing?
Get instant access to awesome content about digital marketing right now!!
Quality Content Only. God Promise.


1 Comment

arvind gupta · August 15, 2019 at 8:59 pm

Thank You! For sharing such a great article, It’s been a amazing article.It’s provide lot’s of information, I really enjoyed to read this,i hope, i will get these kinds of information on a regular basis from your side.

Leave a Reply

Your email address will not be published. Required fields are marked *

Call Now Button
1
Hello
Welcome to Avenir Education
How can we help you?
Powered by
Take a FREE Demo Class

Get 1-on-1 interaction with our expert trainer to learn more about Digital Marketing

Don`t copy text!